عبدالرحمن محمد فرغل، رسام من مركز القوصية محافظة أسيوط، يبلغ من العمر ٢٠ عامًا، يدرس في كلية لغة عربية جامعة الأزهر قسم تاريخ وحضارة، ويدرس في معهد كمبيوتر خاص.
الحفاظ على الموهبة في ظل ضغوطات الحياة واختلاف مجال الدراسة أو العمل هو أمر صعب، ولكن هذا الفنان حافظ على موهبته واستمر في تطويرها.
يحب عبد الرحمن الرسم وقد شجعه إحساسه بموهبته على الاستمرار في هذا المجال والوصول لأفضل المستويات، وكانت والدته هي جمهوره الأول والداعم الأكبر له في البداية
كان عبد الرحمن يستشير زملاءه من الرسامين في حين واجهته أي صعوبات، وبالتعلم والممارسة تطورت موهبته ونجح أكثر حتى أصبح الرسم مهنته
قال عبد الرحمن عن أكثر رسمة استغرقت مجهودًا :” أكتر رسمة تعبتني وأسعدتني كنت داخل مسابقة برسمة مقاس طول 75 و عرض 50 أخدت مني وقت 6 ايام و تعبتني جدًا لكن النتيجة أسعدتني”.
.. بديه الموهبه – كانت في المرحله الابتدائيه كنت بحب الرسم جدا ومع تشجيع مدرسه الرسم حبيت الرسم اكتر واستمريت فيه واكتر حد كان بيشجعني كانت ولدتي كانت بتشجعني علي اي حاجة كنت بعملها رغم انها كانت عارفه ان رسمي مش كويس بس كانت مستمره في تشجيعي ولسه بتشجعني لحد الان
.. عرفت الموهبه ازاي – وانا صغير كنت برسم كتير جدا بس للاسف مستمرتش في الرسم مكنتش برسم من فتره 3 ابتدائي الي 3 اعداي بدائت ارسم رسمي كان كويس شويه ورسمت فتره لكن للاسف وقفت الرسم التاني بسبب الاحباط وقفت فتره لكن رجعت تاني في 3 ثانوي ومن هنا بدائت الرسم لكن مكنتش برسم باستمرار لكن مع بدايه الكورونا بدائت ارسم اكتر و حتي الان برسم ومستمر
.. هل شاركت في معارض – شاركت في معرض في محافظه سوهاج وكان حاضر المحافظ وحصلت علي شهاده تقدير
وشاركت في معرض في محافظه اسيوط بقريه بني محمديات وحصلت علي شهاده تقدير
وشاركت في معرض في مركز القوصيه
.. هل اخدت كورسات – لا كنت بعلم نفسي من اليوتيوب ووصلت للمرحله دي من غير كورسات
.. هل اخدت تكريمات – دخلت مسابقه نجم الصعيد والحمد لله اخدت مركز اول فيها وتم تكريمي علي التلفزيون في برنامج بصمة مصريه
.. ازاي بتنمي موهبتك – بالاستمرار برسم كتير الفتره دي وبشوف اي اللي ناقصني وبشتغل عليه اكتر
